Беларус-вундэркінд выйграў міжнародную алімпіяду па хіміі
PR dla Zagranicy
Alaksandar Papko
01.08.2012 18:52
Нікіфар Лазоўскі ў гэтым годзе стаў прызёрам рэспубліканскіх алімпіядаў ажно па 3 прадметах!
Фота: kurjer.info
Школьнік са Слуцка выйграў міжнародную алімпіяду па хіміі – перадае афіцыйнае інфармацыйнае агенцтва БЕЛТА.
44-я міжнародная алімпіяда па хіміі завершылася 2 дні таму ў Вашынгтоне. Залаты мэдаль заваяваў навучэнец 10-га кляса Слуцкай гімназіі № 1 Нікіфар Лазоўскі. Заданьні алімпіяды ўключалі пытаньні з курсаў арганічнай, неарганічнай, фізычнай, аналітычнай хіміі, а таксама біяхіміі і спэктраскапіі.
Цікавы факт: Нікіфар Лазоўскі – прызёр рэспубліканскіх алімпіядаў ажно па трох прадметах! У гэтым годзе ён стаў уладальнікам дыплёма 2-й ступені алімпіяды па фізыцы, дыплёма 3-й ступені алімпіяды па ангельскай мове і дыплёма 1-й ступені алімпіяды па хіміі.
БЕЛТА/ап