Цікаўнасьць да актывістаў ЭБ
PR dla Zagranicy
Natalia Szymkowiak
15.01.2013 16:03
Затрыманьне актывіста "Эўрапейскай Беларусі" міліцыяй ды нападзеньне на іншую атывістку.
Учора ўвечары ў Менску быў затрыманы салігорскі актывіст грамадзянскай кампаніі “Эўрапейская Беларусь” Уладзімер Лемеш. Маладзён быў дастаўлены ў Першамайскі РАУС з абвінавачваньнем “непадпарадкаваньне супрацоўнікам міліцыі”. За гэта Лемешу далі 3 млн. рублёў штрафу.
З пастарунку актывісту ўдалося патэлефанаваць сваім родным з Салігорску і паведаміць пра затрыманьне і месца знаходжаньня.
Нагадаем, учора ноччу ў Менску, каля пад’езду свайго дому, на яшчэ адну актывістку “Эўрапейскай Беларусі” Юлію Сьцяпанаву напала двое невядомых, якія зьбілі дзяўчыну ды, паваліўшы ў снег, абрэзалі ёй валасы. Цяпер дзяўчына заяўляе, што яна памяняе свой імідж, але не адмовіцца ад грамадзкай дзейнасьці – абароны вязьняў і рэпрэсаваных асобаў.
spring96.org/нг