Беларусь наладжвае культурную супрацу з Латвіяй

На 13-15 сакавіка заплянаваны візыт міністра культуры Беларусі Барыса Сьвятлова ў Латвію.

Падчас візыту бакі плянуюць абмеркаваць пытаньні далейшага супрацоўніцтва ў сфэры культуры ды мастацтва паміж дзьвюма краінамі. Таксама плянуецца падпісаць адпаведны дакумэнт.

Гэта будзе праграма супрацоўніцтва на бліжэйшыя 3 гады. Яна будзе датычыць разьвіцьця супрацоўніцтва ў сфэры кінематаграфіі, тэатральнага мастацтва, канцэртна-гастрольнай дзейнасьці, музэйнай справы, бібліятэказнаўства, арганізацыі абменаў для судэнтаў і выкладчыкаў ВНУ культуры.

Беларускі міністар возьме ўдзел у ўрачыстым адкрыцьці мэмарыяльнай дошкі народнаму паэту Янку Купалу. Яна будзе ўсталявана на будынку беларускай школе ў Рызе імя Янкі Купалы.

Апроч таго міністар культуры возьме ўдзел у адкрыцьці музэйнай экспазыцыі прысьвечанай жыцьцю й творчасьці Янкі Купалы.

Паводле БелТА