Беларусі няма ў Індэксе чалавечага капіталу

Усясьветны эканамічны форум прэзэнтаваў дасьледаваньне «Індэкс чалавечага капіталу». Беларусь засталася белай плямай на мапе дасьледваньня.
Экспэрты Ўсясьветнага эканамічнага форуму склалі індэкс краінаў паводле доўгатэрімновага эканамічнага патэнцыялу і якасьці працоўнай сілы.

Паводле чатырох напрамкаў — адукацыя, ахова здароўя, занятасьць, спрыяльнае асяродзьдзе — індэкс вымярае здольнасьць краінаў выхоўваць здаровую адукаваную працоўную сілу.

Дасьледваньне ахоплівае 122 краіны сьвету.

Беларусь разам зьнекаторымі краінамі Афрыкі, Узбэкістанам, Туркмэністанам і Афганістанам пазначаныя на мапе белым колерам, бо дасьледваньні тут не праводзіліся.

Першая тройка «Індэксу чалавечага капіталу»: Швайцарыя, Фінляндыя ды Сінгапур. Сярод краінаў-суседзяў Беларусі ў індэкс патрапілі Польшча з 49-м месцам, Летува — 34 месца, Латвія — 38, Расея — 51, Украіна — 63 месца.

svaboda.org/eb