Logo Polskiego Radia
Print

Міжнародная канфэрэнцыя па беларусізацыі

PR dla Zagranicy
Elvira Sienkiewicz 15.11.2013 18:22
...пройдзе 22 лістапада 2013 года ў Менску.

/


22 лістапада 2013 года ў Менску пройдзе міжнародная канфэрэнцыя «Беларусізацыя. Ці можна завяршыць працэс інстытуцыянальнага будаўніцтва незалежнай дзяржавы?».

Канфэрэнцыю ладзiць Цэнтар эўрапейскай трансфармацыі (Беларусь) пры падтрымцы Міжнароднага кансорцыюму «ЭўраБеларусь» (Летува, Беларусь) і Фонду Генрыха Бёля (Нямеччына). Мерапрыемства зьбярэ экспэртаў па пытаньнях трансфармацыйных працэсаў зь Нямеччыны, Польшчы, Украіны, Расеі і Беларусі.

Мэта мерапрыемства — абазначэньне прынцыповых праблем і паглыбленьня разуменьня прычын супраціву шэрагу постсавецкіх краін і народаў трансфармацыйным працэсам у XXІ стагодзьдзі. Тэматыка леташняй міжнароднай канфэрэнцыі тычылася пытаньняў дэсаветызацыі, а сёлета ў цэнтры ўвагі будуць праблемы завяршэньня інстытуцыянальнага будаўніцтва незалежных дзяржаў.

Да ўдзелу ў канфэрэнцыі запрашаюцца беларускія дасьледнікі праблем посткамуністычных трансфармацый у Беларусі, а таксама палітыкі, грамадзкія дзеячы і журналісты, якія цікавяцца пытаньнямі беларусізацыі.

Заяўкі прымаюцца да 20 лістапада 2013 года.

eurobelarus.info/эб

Print
Copyright © Polskie Radio S.A Пра нас Кантакт