Апазыцыя заўтра сустрэнецца з амбасадарам Шагалам
PR dla Zagranicy
Anna Zadrożna
13.02.2014 13:54
Сустрэча адбудзецца ў амбасадзе Ізраіля ў Беларусі, паведаміў Уладзімер Някляеў.
reporter.by
Заўтра прадстаўнікі беларускай апазыцыі сустрэнуцца з амбасадарам Ізраіля ў Беларусі Іoсіфам Шагалам.
Сустрэча адбудзецца ў 10.30 у амбасадзе Ізраіля ў Беларусі, паведаміў лідар руху „Гавары праўду” Ўладзімер Някляеў.
„У сувязі з заявамі спадара Шагала наконт таго, што беларускія палітзьняволеныя - гэта крымінальнікі, я вырашыў сустрэцца з амбасадарам, прэзэнтаваць яму кнігу, напісаную тымі людзьмі, якіх, на думку амбасадара, нібыта няма, а менавіта палітвязьнямі. А таксама перадаць празь яго ліст прэм’ер-міністру Ізраіля Бэньяміну Нэтаньягу з пытаньнем, ці насамрэч такі погляд на сытуацыю ў Беларусі - асабісты погляд пасла ў Беларусі, ці гэта пазыцыя ўраду Ізраіля. Амбасадар прыняў і кнігу й ліст, паабяцаўшы перакласьці й перадаць прэм’ер-міністру. І ў адказ прапанаваў сустрэчу зь лідарамі апазыцыі дзеля таго, каб вытлумачыць тую сытуацыю, якая склалася”, - сказаў Някляеў.
Ён дадаў, што амбасадар Шагал патлумачыў сутнасьць сваіх заяваў тым, што яго словы няправільна інтэрпрэтавалі.
У сустрэчы возьмуць удзел Уладзімер Някляеў, Аляксей Янукевіч, Сяргей Калякін, Анатоль Лябедзька, Павал Севярынец, Аляксандар Мілінкевіч.
svaboda.org/аз