Пасябравалі парлямэнтамі
PR dla Zagranicy
Jury Lichtarowicz
19.02.2014 15:25
Баліварыянская Рэспубліка Вэнэсуэла ўшчыльняе сувязі зь Беларусьсю.
У парлямэнце гэтай краіны паўстала група сяброўства зь Беларусьсю.
Стварэньне групы праходзіла ва ўрачыстай абстаноўцы. У Нацыянальнай Асамблеі (так называецца парлямэнт Вэнэсуэлы) быў падпісаны адмысловы Акт аб стварэньні групы парлямэнцкага сяброўства “Вэнэсуэла–Беларусь”.
У цырымоніі ўзяў удзел Надзвычайны й Паўнамоцны Пасол Беларусі ў Вэнэсуэле Алег Пафераў, а таксама прадстаўнікі Нацыянальнай Асамблеі й зьнешнепалітычнага ведамства Вэнэсуэлы.
Беларускі амбасадар адзначыў гатоўнасьць афіцыйнага Меснку да актыўнага ўзаемадзеяньня з дэпутатамі Нацыянальнай Асамблеі па пытаньнях двухбаковага супрацоўніцтва.
Вэнэсуэльскі бок падкрэсьліў, што група сяброўства заклікана стаць важным інструмэнтам для пасьпяховага разьвіцьця ўсяго спэктру адносін паміж дзвюма краінамі.
Паводле МЗС Беларусі.