Беларуская песьня адкрые дзіцячае „Эўрабачаньне-2014”

Песьня „Сокал” прадстаўніцы Беларусі Надзеі Місяковай прагучыць першай на дзіцячым музычным конкурсе, які сёлета пройдзе на Мальце.

Такія вынікі жараб’ёўкі дзіцячага музычнага конкурсу, якая прайшла напярэдадні. 14-гадовая сьпявачка словы й музыку да сваёй песьні напісала сама. Увогуле ж прадстаўніца Беларусі на дзіцячым „Эўрабачаньні” сьпявае на беларускай, расейскай і ангельскай мовах. Надзеі 14 гадоў. Яна нарадзілася й жыве ў Менску.

У дзіцячым „Эўрабачаньні” прымаюць удзел выканаўцы з 16 краінаў. Мальта прымае конкурс упершыню. Беларусь удзельнічае ў дзіцячым „Эўрабачаньні” з моманту яго заснаваньня ў 2003 годзе. За гэты час прадстаўнікі Беларусі выйгралі конкурс двойчы — у 2005 пераможцай стала Ксенія Сітнік зь песьняй „Мы разам”, а ў 2007 першае месца заняў Аляксей Жыгалковіч, які выканаў кампазыцыю „Зь сябрамі”.

svaboda.org/аз