Logo Polskiego Radia
Print

Адкрываецца першы дзіцячы дом сямейнага тыпу ў Полацкім раёне

PR dla Zagranicy
Alena Vialichka 26.09.2015 15:00
Там будуць пражываць і выхоўвацца 9 дзяцей, якія засталіся без апекі бацькоў.
flickr.com

Першы ў Полацкім раёне дзіцячы дом сямейнага тыпу адкрыецца ў кастрычніку бягучага года ў аграгарадку Жарнасек. Інвэстарам праекта выступіў банк ВТБ (Беларусь), які вылучыў на будаўніцтва дзіцячага дома больш за 2,4 млрд беларускіх рублёў.

Асноўная частка будаўнічых работ была пачата ў лютым 2015 года й заняла каля шасьці месяцаў. У цяперашні час вядзецца дааснашчэньне будынка неабходным абсталяваньнем, добраўпарадкаваньне навакольнай тэрыторыі й завяршэньне аддзелачных прац.

Дзіцячы дом сямейнага тыпу ў аграгарадку Жарнасек уяўляе сабой двухпавярховы будынак з пяцьцю прасторнымі жылымі пакоямі, дзе будуць пражываць і выхоўвацца 9 дзяцей, якія засталіся без апекі бацькоў, разам з бацькамі-выхавальнікамі.

Інтэрфакс/ав

Print
Copyright © Polskie Radio S.A Пра нас Кантакт