Беларусы ўпершыню атрымалі мэдалі ЮНЭСКА
PR dla Zagranicy
Natalia Szymkowiak
01.12.2015 13:51
Былі ўзнагароджаны народныя артысты Тамара Ніжнікава, Генадзь Аўсяньнікаў і Расьціслаў Янкоўскі.
У Нацыянальным акадэмічным тэатры імя Янкі Купалы адбылася ўрачыстая цырымонія ўручэньня мэдаля ЮНЕСКА «Віктар Гюго» і дыплёма генэральнага дырэктара ЮНЭСКА Ірыны Бокавай выдатным дзеячам беларускай культуры. Былі ўзнагароджаны народныя артысты СССР і Беларусі Тамара Ніжнікава, Генадзь Аўсяньнікаў і Расьціслаў Янкоўскі.
Узнагароды ляўрэатам уручылі першы намесьнік міністра замежных спраў Беларусі Аляксандар Міхневіч і пасол Беларусі ў Францыі, пастаянны прадстаўнік Беларусі пры ЮНЭСКА Павел Латушка. Расьціслаў Янкоўскі ня здолеў прысутнічаць асабіста. Узнагароду ўручылі яго жонцы Ніне Янкоўскай.
Грамадзян Беларусь мэдалямі ЮНЭСКА адзначаюць упершыню.
БелаПАН/нг фота БелаПАН Васіль Сямашка