У Расеі зьнішчана 124 тоны сельгаспрадукцыі, якую прывезьлі зь Беларусі

У Цьвярской вобласьці Расеі зьнішчана больш за 124 тоны агародніны й садавіны, якія прывезьлі зь Беларусі. Расейцы выявілі падробленыя рээкспартныя фітасанітарныя сэртыфікаты Марока, Македоніі й Паўднёва-Афрыканскай Рэспублікі.

Дакумэнтаў на сьвежыя грушы, яблыкі й салату, якія пацьвярджалі б іх бясьпеку, не было. Таму ўсю падкаранцінную прадукцыю зьнішчылі на палігоне цьвёрдых бытавых адходаў у Ржэве.

Дарэчы, 21 сьнежня там жа была ліквідаваная яшчэ адна буйная партыя плодаагародніннай прадукцыі невядомага паходжаньня: 45 тон груш і пэкінскай капусты таксама накіроўваліся зь Беларусі па падробленых рээкспартных фітасанітарных сэртыфікатах Марока.

эўрарадыё/белапан/вс