Назіральнікі ПАРЭ пачалі працу ў Беларусі

Назіральнікі Парлямэнцкай асамблеі Рады Эўропы на чале з Гізелай Вурм 9 верасьня пачалі назіраньне за ходам парлямэнцкіх выбараў у Беларусі. Чальцы дэлегацыі, сярод якіх былы часовы павераны ў справах ЗША ў Беларусі Скот Роланд, будуць працаваць да 12 верасьня ў складзе назіральнай місіі БДІПЧ АБСЭ.

Яны сустрэнуцца з лідарамі палітычных партый, кіраўніком ЦВК, прадстаўнікамі грамадзянскай супольнасьці й журналістамі, а таксама будуць назіраць за галасаваньнем 11 верасьня.

На 8 верасьня ад ПАРЭ акрэдытавана 39 назіральнікаў. Усяго на парлямэнцкіх выбарах плянуюць працаваць 825 міжнародных назіральнікаў.

Тэлеграф/ав