На Полаччыне практычна не засталося структур незалежных прафсаюзаў

На Полаччыне практычна не засталося структур незалежных прафсаюзаў, якія могуць працаваць адкрыта на дзяржаўных прадпрыемствах. Выключэньнем зьяўляецца толькі першасная арганізацыя Беларускага незалежнага прафсаюзу на прадпрыемстве «Нафтан» у Наваполацку.

«Але й яна пэрыядычна зазнае ціск і абмежаваньне ў сваёй дзейнасьці», – кажа старшыня прафсаюзнай арганізацыі Свабоднага прафсаюза на прадпрыемстве «Полацк Шкловалакно» Віктара Стукаў.

Паводле яго, на «нафтанаўцаў» таксама аказваецца ціск, а колькасьць сяброў арганізацыі скарачаецца: адзін час у іх было больш за тысячу чалавек, цяпер сто-дзьвесьце. Віктар Стукаў гаворыць, што зь імі адміністрацыя нібыта вядзе перамовы й нібыта яны ўдзельнічаюць у прыняцьці калектыўнай дамовы, аднак абмежаваньні дзейнасьці там таксама вельмі сур’ёзныя. У якасьці прыкладу прафсаюзны дзеяч назваў забарону на распаўсюджваньне прафсаюзнага бюлетэню на завадзкой тэрыторыі «Нафтану».

У адрозьненьні ад «нафтанаўцаў», першасная арганізацыя Свабоднага прафсаюза на «Полацк Шкловалакне» цалкам перайшла ў падпольле. Асноўны актыў арганізацыі быў звольнены, а члены, якія засталіся працаваць, перасталі плаціць прафсаюзныя ўзносы праз бугальтэрыю, каб не афішаваць сваё сяброўства ў Свабодным прафсаюзе.

паводле радыё рацыя/вс

здымак мае ілюстрацыйны характар