Сэмінар па аўтарскім праве пройдзе ў Менску й Магілёве

Саюз беларускіх пісьменнікаў і Беларуская інтэрнэт-бібліятэка Kamunikat.org запрашаюць усіх цікаўных узяць удзел у сэмінары, прысьвечаным аўтарскаму праву й магчымасьцям яго абароны ў Беларусі.

Сэмінар у Менску 12 лістапада, у Магілёве — 13 лістапада.

Удзел у сустрэчы будзе карысны пісьменьнікам, перакладчыкам, рэдактарам і журналістам рэгіянальных выданьняў.

Падчас сэмінара пра тэорыю й практыку абароны аўтарскага права распавядзе юрыстка Вольга Сямашка. Яна таксама зробіць кароткае параўнаньне беларускага й эўрапейскага заканадаўства адносна аўтарскага права, раскажа пра практыку абароны аўтарскага права ў інтэрнэце.

Падчас сустрэчы ўдзельнікі й юрыстка паспрабуюць скласьці дамову паміж пісьменьнікам і выдавецтвам, якая найлепш абароніць правы пісьменьніка.

Удзел у сэмінары па аўтарскім праве ў Менску й Магілёве бясплатны.

Субота, 12 лістапада 2016, 13:00, Менск, вул. Магілёўская, 2, корпус 2 (4 паверх; недалёка ад гандлёвага цэнтру "Мост").

Нядзеля, 13 лістапада, 14:00, Магілёў, грамадзкі цэнтар "Кола" (зав. Чкалава, 16)

яс