Беларусь пазбаўленая яшчэ двух мэдалёў пэкінскай Алімпіяды-2008
Міжнародны алімпійскі камітэт абвясьціў чарговы сьпіс атлетаў, якія падвергліся санкцыям пасьля пераправеркі допінг-пробаў Алімпіяд 2008 і 2012 гадоў. І зноў не абышлося без прозьвішчаў беларускіх спартсмэнаў.
На гэты раз Беларусь пазбавілася яшчэ двух мэдалёў пэкінскай Алімпіяды-2008, якая лічылася самай пасьпяховай у сувэрэннай гісторыі краіны.
Залатой узнагароды пазбаўленая алімпійская чэмпіёнка Пекіна-2008 у кіданьні молата Аксана Мянькова, а сярэбраную ўзнагароду загадана вярнуць штурхальніцы ядра Натальлі Міхневіч.
Пераправеркі пэкінскай допінг-пробы Аксаны Мяньковай з дапамогай найноўшых тэхналёгій паказала наяўнасьць у арганізьме спартсмэнкі анабалічных стэроідаў дэгідрахлармэцілтэстастэрона (турынабола) і аксандралона.
Натальля Міхневіч трапілася на анаболіках мэтандыенан і станазалол, якія выяўленыя ў пэкінскай пробе.
Ануляваныя вынікі яшчэ трох прадстаўнікоў Беларусі, якія фігуруюць у апублікаваным сёньня сьпісе. Гэта штурхальнік ядра Павал Лыжын (у Пэкіне-2008 заняў 4-е месца), Сьвятлана Ўсовіч (у Пэкіне-2008 23-е месца ў бегу на 800 мэтраў), Анастасія Мірончык-Іванова (заняла 7-е месца ў скачках у даўжыню на Гульнях-2012 у Лёндане.
Пасьля чарговай порцыі допінг-праколаў колькасьць беларускіх мэдалёў Алімпіяды-2008 усохла да 14 узнагарод – 3 залатыя, 4 сярэбраныя, 7 бронзавых. Пасьля фінішу Гульняў-2008 у беларусаў было 19 узнагарод – 4 залатыя, 5 сярэбраных, 10 бронзавых.
Міжнародны алімпійскі камітэт абвясьціў чарговы сьпіс атлетаў, якія падвергліся санкцыям пасьля пераправеркі допінг-пробаў Алімпіяд 2008 і 2012 гадоў. І зноў не абышлося без прозьвішчаў беларускіх спартсмэнаў.
На гэты раз Беларусь пазбавілася яшчэ двух мэдалёў пэкінскай Алімпіяды-2008, якая лічылася самай пасьпяховай у сувэрэннай гісторыі краіны.
Залатой узнагароды пазбаўленая алімпійская чэмпіёнка Пекіна-2008 у кіданьні молата Аксана Мянькова, а сярэбраную ўзнагароду загадана вярнуць штурхальніцы ядра Натальлі Міхневіч.
Пераправеркі пэкінскай допінг-пробы Аксаны Мяньковай з дапамогай найноўшых тэхналёгій паказала наяўнасьць у арганізьме спартсмэнкі анабалічных стэроідаў дэгідрахлармэцілтэстастэрона (турынабола) і аксандралона.Натальля Міхневіч трапілася на анаболіках мэтандыенан і станазалол, якія выяўленыя ў пэкінскай пробе.
Ануляваныя вынікі яшчэ трох прадстаўнікоў Беларусі, якія фігуруюць у апублікаваным сёньня сьпісе. Гэта штурхальнік ядра Павал Лыжын (у Пэкіне-2008 заняў 4-е месца), Сьвятлана Ўсовіч (у Пэкіне-2008 23-е месца ў бегу на 800 мэтраў), Анастасія Мірончык-Іванова (заняла 7-е месца ў скачках у даўжыню на Гульнях-2012 у Лёндане.
Пасьля чарговай порцыі допінг-праколаў колькасьць беларускіх мэдалёў Алімпіяды-2008 усохла да 14 узнагарод – 3 залатыя, 4 сярэбраныя, 7 бронзавых. Пасьля фінішу Гульняў-2008 у беларусаў было 19 узнагарод – 4 залатыя, 5 сярэбраных, 10 бронзавых.
tut.by/ав