Logo Polskiego Radia
Print

На будаўніцтве Беларускай АЭС не хапае рабочых і спэцыялістаў

PR dla Zagranicy
Jolanta Śmiałowska 01.12.2016 18:08
Спэцыялісты звальняюцца з-за значнага зьніжэньня заробкаў.
Здымак мае ілюстрацыйны характарЗдымак мае ілюстрацыйны характарFoto: Rob/Flickr.com/CC BY-ND 2.0

На будаўніцтве Беларускай АЭС адчуваецца недахоп кадраў: агулам нестае каля 800 рабочых і спэцыялістаў. Спэцыялісты звальняюцца з-за значнага зьніжэньня заробкаў.

Пра гэта паведамляе лістападаўскі бюлетэнь Падліковай палаты Расейскай Фэдэрацыі. Расейскае ведамства разам з Камітэтам дзяржкантролю Беларусі сёлета з траўня па верасень правярала ход будаўніцтва Беларускай АЭС.

Паведамляецца, што на працягу 2015 года года расейскі генпадрадчык "Атамбудэкспарт" не выконваў графік будаўніцтва атамнай станцыі. Напрыклад, будаўніча-мантажныя работы былі выкананыя на 80%, а пастаўка абсталяваньня — на 90%. У адставаньні вінавацяць як расейскіх, так і беларускіх будаўнікоў.

Не выконваецца графік работаў на першым энэргаблёку — тут адставаньне складае адзін-тры месяцы. Таксама няма рэзэрву па часе будаўніцтва карпусоў рэактара і турбіны, якая вызначае працягласьць будаўніцтва ўсёй атамнай станцыі.

Адной з асноўных прычынаў адставаньня ад графіку называецца недастатковая колькасьць будаўнікоў. Паводле зьвестак праверкі, заробкі спэцыялістаў на будаўніцтве АЭС скараціліся ў сярэднім удвая. Гэта тлумачыцца цяжкім фінансавым становішчам, у тым ліку дэвальвацыяй расейскага рубля.

euroradio.fm/яс

Print
Copyright © Polskie Radio S.A Пра нас Кантакт