Каманда БДУІР выступіць чэмпіянату сьвету па праграмаваньні ў ЗША

Каманда Беларускага дзяржаўнага унівэрсытэту інфарматыкі й радыёэлектронікі прадставіць Беларусь у фінале прэстыжнага сусьветнага першынства па праграмаваньні сярод студэнтаў у ЗША – паведамляе інфармагенцтва БелаПАН са спасылкай на прэс-службу Міністэрства адукацыі.

Каманда студэнтаў факультэта кампʼютэрных сыстэмаў і сетак БДУІР у складзе Андрэя Волчака (капітан), Андрэя Собаля і Аляксея Вісьцяжа прайшла некалькі этапаў міжнародных спаборніцтваў і заслужыла права прадстаўляць унівэрсытэт у фінале чэмпіянату сьвету па праграмаваньні ў ЗША. Фінал пройдзе ў траўні 2017 года ў горадзе Рапід-Сіці (Паўднёвая Дакота).

Усяго ў адборачных этапах паўночна-ўсходняга эўрапейскага рэгіёну ўдзельнічала 1341 каманда. У фінал прайшлі па адной камандзе ВНУ Армэніі, Беларусі, Латвіі, Летувы і 13 расейскіх камандаў.

БелаПАН/ап