Прызначаны новы амбасадар Ізраілю ў Беларусі
PR dla Zagranicy
Anna Zadrożna
02.01.2017 16:47
На гэтай пасадзе зацьверджаны Алон Шогам — прафэсійны дыплямат, выхадзец з Латвіі.
flickr.com/ patrick brennan
У нядзелю, 1 студзеня, было абвешчана імя новага амбасадара Ізраілю ў Менску. На гэтай пасадзе зацьверджаны Алон Шогам — прафэсійны дыплямат, выхадзец з Латвіі, які ведае расейскую мову.
Раней Шогам працаваў кіраўніком консульскага дэпартамэнту МЗС Ізраілю. Вясной 2016 году на працягу месяца Шогам быў у Беларусі й займаў пасаду часовага паверанага ў справах Ізраілю.
У жніўні 2015 году было абвешчана пра рашэньне ўраду Ізраілю закрыць пасольства Ізраілю ў Беларусі. У сакавіку летась было прынята рашэньне захаваць прадстаўніцтва Ізраілю ў Менску, але было невядома, у якім менавіта фармаце й складзе яно будзе працаваць.
З 26 лістапада 2015 году паміж Ізраілем і Беларусьсю дзейнічае бязьвізавы рэжым.
svaboda.org/аз