Беларускі турыстычны стартап атрымаў прэмію ААН

Беларускі стартап пад назвай MeetnGreetMe атрымаў прэмію Сусьветнага саміту ААН за найлепшы электронны кантэнт World Summit Award Mobile.

Ён стаў адным з пераможцаў мінулага году ў катэгорыі «Культура і турызм». Усяго ж лаўрэатаў было 40. Іх адабралі з 451 намінаванага.

MeetnGreetMe – турыстычная платформа, на якой замежныя турысты могуць знаёміцца зь мясцовымі жыхарамі і наймаць іх у якасьці пэрсанальных памочнікаў і гідаў. Як паведамляецца на сайце стартапа, цяпер вандроўнікі за плату могуць атрымаць такія паслугі ў 160 гарадах сьвету, у тым ліку ў Рыме, Барселоне, Ёханэсбургу, Найробі ды іншых.

myfin.by/нг