Чарговы паказ "Свайго кіно: любім і глядзім" - 26 красавіка
PR dla Zagranicy
Alena Vialichka
19.04.2017 14:58
-
«Сваё кіно любім і глядзім».mp3
У рамках праекта адбудзецца паказ праграмы ігравога кіно «Новыя надзеі».
26 красавіка ў 19:00 у менскім «АРТкінатэатры» (пр-т Дзяржынскага, 104, ст.м. Пятроўшчына) у рамках праекта «Сваё кіно: любім і глядзім» адбудзецца паказ праграмы ігравога кіно «Новыя надзеі». Фільм Андрэя Кашперскага «Hasta la vista, baby» (2016), фільм Нэлі Васілеўскай «Сябры па перапісцы» (2017) і фільм Андрэя Цімафеева «Сапрамат» (2017).
Праграма «Новыя надзеі» аб’ядноўвае фільмы маладых рэжысэраў, якія закранаюць у сваіх працах вечную тэму – каханьне. Два хлопцы і дзяўчына гавораць аб адным і тым жа, але па-рознаму.
Праект «Сваё кіно» – гэта паказы новага беларускага кіно, нетрывіяльнага, якаснага і своеасаблівага, а таксама жывы кантакт, знаёмства і дыскусіі гледачоў з аўтарамі, крытыкамі і героямі карцін.
«Сваё кіно» – гэта i ігравое, і дакумэнтальнае кіно, і анімацыя. Галоўны прынцып – фільм створаны беларусамі або так ці інакш зьвязаны з Беларусьсю, яе мінулым, сучасным і будучым.
Паказы праекта «Сваё кіно» праходзяць штомесяц на працягу ўсяго года. Праект вырашае праблему з выхадам беларускіх фільмаў і іх аўтараў да сваёй публікі.
ав