Сьледчы камітэт узбудзіў крымінальную справу па факце шпіянажу «УКантакце»

29 -гадовага праграміста абвінавачваюць ва ўсталяваньні на кампутары кліентаў фірмы, у якой ён працаваў, шпіёнскіх праграмаў.

Упраўленьне Сьледчага камітэту па Менску расьсьледуе крымінальную справу ч. 2 арт. 349 (несанкцыянаваны доступ да кампютарнай інфармацыі) Крымінальнага кодэксу Беларусі ў дачыненьні да работніка адной са сталічных фірмаў», паведамляе прэс-служба СК.

У траўні 2016 года, 26-гадовая жыхарка сталіцы заўважыла, што нехта ўваходзіць на ейны акаунт у сацыяльнай сетцы «УКантакце», рэдагуе інфармацыю ды праглядае перапіску. Дзяўчына зьвярнулася ў міліцыю.

Пасьля кампутэрна-тэхнічнай экспэртызы і апэратыўна-вышуковых мерапрыемстваў сьледчыя знайшлі 29-гадовага ўраджэнца Берасьцейшчыны, які ўсталяваў вірусныя праграмы на кампутар пацярпелай.

Падчас ператрусу ў падазраванага знайшлі файлы з асабістымі дадзенымі іншых грамадзянаў: паролі да «Webmoney», пластыкавых банкаўскіх картаў ды асабістых кабінэтаў інтэрнэт-банкінгу.

belsat.eu/яс