Лукашэнка павіншаваў Макрона з перамогай на прэзыдэнцкіх выбарах

Аляксандр Лукашэнка павіншаваў Эмануэля Макрона з выбраньнем на пасаду прэзыдэнта Францускай Рэспублікі, паведамляе інфармагентва БелаПАН са спасылкай на прэс-службу кіраўніка Беларусі.

«Карыстаюся выпадкам, каб выказаць зацікаўленасьць у пашырэньні беларуска-французскіх сувязей у палітычнай, гандлёва-эканамічнай, гуманітарнай і іншых галінах, разьвіцьці канструктыўнага ўзаемадзеяньня паміж нашымі дзяржавамі ў міжнародных арганізацыях», – гаворыцца ў віншаваньні.

Лукашэнка разьлічвае «на падтрымку ўзаемавыгаднага супрацоўніцтва паміж Беларусьсю й Францыяй дзеля росквіту і дабрабыту народаў дзьвюх краінаў».

Пераможцам другога тура прэзыдэнцкіх выбараў у Францыі, які адбыўся 7 траўня, са значнай перавагай стаў Эмануэль Макрон. 39-гадовы Макрон – самы малады прэзыдэнт у гісторыі Францыі.

naviny.by/ап