Не спыняюцца суды за акцыі пратэсту

У першую чаргу разглядаліся адміністратыўныя справы ўдзельнікаў несанкцыянаванага мітынгу на Кастрычніцкай плошчы Мінска, які адбыўся 1 траўня.

У першай палове дня судзьдзя Вікторыя Шабуня вынесла пастанову аб пакараньні штрафам Алега Макоўскага, Дзьмітрыя Сільчанкі ды Ніны Багінскай.

17 траўня за першамайскую акцыю будуць судзіць палітыка і паэта Ўладзімера Някляева; пазоў у суд на 18 траўня атрымалі Леанід Кулакоў ды іншыя грамадзкія актывісты.

Частка актывістаў і ўдзельнікаў мітынгу – Максім Вінярскі, Павел Севярынец, Вячаслаў Сіўчык, Яўген Афнагель і Наталля Папкова – ужо асуджаная.

Паводле ПЦ «Вясна»/юл