У Менск прыедзе Богдан Цывіньскі — сябра Яна Паўла ІІ

У Менск прыедзе Богдан Цывіньскі — адзін з заснавальнікаў «Салідарнасьці», сябра Яна Паўла ІІ

25 траўня ў будынку амбасады Летувы ў Беларусі пачне працу міжнародная канфэрэнцыя «Эвалюцыя ці дэвальвацыя: праблема дэмакратычнага парадку ва Ўсходняй Эўропе».

У межах форуму, арганізаванага Інстытутам палітычных дасьледаваньняў «Палітычная сфэра», заплянаваная публічная дыскусія пра тое, як успрымаць гісторыю краіны ў сучасным сьвеце.

У Менск запрошаны Богдан Цывіньскі — адзін з заснавальнікаў польскага руху „Салідарнасьць“, асабісты сябар Яна Паўла ІІ, адзін з найвыдатнейшых каталіцкіх інтэлектуалаў Польшчы.

«Лічым, што яго прыезд у Беларусь таксама зьяўляецца свайго роду падзеяй для інтэлектуальнага жыцьця нашай краіны»,— сказаў прадстаўнік арганізатараў канфэрэнцыі супрацоўнік Інстытуту «Палітычная сфэра» Аляксей Ластоўскі.

svaboda.org/яс