Расея зачыняе мяжу зь Беларусьсю з-за ісламістаў

Расейскі амбасадар прызнаў, што ёсьць праблемы ў адносінах паміж Менскам ды Масквой. Адна зь іх – пастаўкі мяса-малочнай прадукцыі Беларусі ў Расею. Масква абмяжоўвала беларускі харчовы экспарт. Пасол паабяцаў, што дадзеная праблема хутка вырашыцца.

Таксама ён заявіў, што тры тысячы расейскіх вайскоўцаў, якія возьмуць удзел у сумесных манэўрах «Захад-2017», што пройдуць у Беларусі ў верасьні, будуць выведзеныя адразу пасьля заканчэньня вучэньняў.

Апроч таго, Аляксандар Сурыкаў заявіў, што ўвядзеньне Расеяй памежнай зоны на мяжы зь Беларусьсю і праверкі пасажыраў зь Беларусі ў расейскіх аэрапортах, зьяўляюцца крокам па барацьбе з ІдзІЛ. Маўляў дадзеная тэрарыстычная арганізацыя можа выкарыстаць адкрытасьць межаў з Расеяй, бо Беларусь увяла бязьвізавы рэжым для 80 краін сьвету. У адказ на гэта Масква перавяла ў міжнародныя тэрміналы рэйсы зь Менску.

Паводле Радыё «Свабода»/юл