«Справу патрыётаў» перадалі з КДБ у Сьледчы камітэт
PR dla Zagranicy
Valery Sauko
16.06.2017 14:13
КДБ спыніў крымінальную справу па абвінавачаньні ў падрыхтоўцы масавых беспарадкаў.
Камітэт дзяржаўнай бясьпекі перадаў у Сьледчы камітэт крымінальную справу па «стварэньні незаконнага ўзброенага фармаваньня». Пра гэта ў камэнтары «Эўрарадыё» распавёў начальнік аддзела інфармацыі й сувязі з грамадзкасьцю цэнтральнага апарата Сьледчага камітэта Сяргей Кабаковіч.
«У адпаведнасьці з заканадаўствам Рэспублікі Беларусь дзейнасьць незаконнага ўзброенага фармаваньня адносіцца да катэгорыі злачынстваў супраць грамадзкай бясьпекі», – патлумачыў прадстаўнік Сьледчага камітэта.
Таксама ў СК падкрэсьлілі, што КДБ спыніў крымінальную справу па абвінавачаньні ў падрыхтоўцы масавых беспарадкаў.
Гэтая справа атрымала ў СМІ назву «справа патрыётаў» або «справа Белага легіёну». 14 абвінавачаных па ёй дагэтуль знаходзяцца за кратамі. Некаторыя з абвінавачаных выпушчаныя пад хатні арышт.
Першапачаткова сілавікі затрымалі больш за 30 чалавек, абвінаваціўшы іх у падрыхтоўцы масавых беспарадкаў. Пазьней прыкладна палове зь іх выставілі дадатковыя абвінавачаньні ў стварэньні незаконнага ўзброенага фармаваньня. Другую палову затрыманых паступова выпусьцілі з-пад варты й зьнялі абвінавачаньні.
вс