Менск адзін з самых танных гарадоў сьвету для турыстаў

Менск трапіў у сьпіс самых танных гарадоў сьвету для турыстаў. Рэйтынг апублікавала кансалтынгавая кампанія Mercer Human Resource. Разам з беларускай сталіцай там знаходзяцца такія гарады, як Бішкек, Тбілісі, Сараева, Карачы, Туніс, Скоп’е, Віндхук (Намібія), Монтэрэй (Мексіка). А вось самымі дарагімі гарадамі сьвету лічацца Люанда (сталіца Анголы), Ганконг, Токіо, Цюрых і Сынгапур. З эўрапейскіх гарадоў у першую дзесятку самых дарагіх гарадоў сьвету таксама трапіла Жэнэва.

Дасьледаваньне штогод праводзіцца ў 200 краінах сьвету. Яго аўтары вывучаюць цэны на тавары і паслугі, кошт арэнды жыльля.

euroradio.fm/яс