Полацк сьвяткуе Дзень беларускага пісьменства

Дзень беларускага пісьменства адзначаецца ў старажытным Полацку – паведамляе інфармагенцтва БЕЛТА. У гэтым годзе ўрачыстасьці адбываюцца адразу з трох нагодаў – 500-годдзя беларускага кнігадрукаваньня, 1155-годдзя гораду і непасрэдна Дня пісьменнасьці.

Віншавальны ліст удзельнікам сьвята накіраваў Аляксандар Лукашэнка. «Шырокія ўрачыстасьці, прысьвечаныя гэтай падзеі, год ад году набываюць усё больш глыбокі сэнс, бо яны вяртаюць нас да сваіх вытокаў, выклікаюць пачуцьцё нацыянальнай годнасьці. Сьвята стала сьведчаньнем адраджэньня нашых лепшых традыцыяў, сапраўдным сымбалем незалежнасьці Беларусі», – зазначыў кіраўнік краіны.

belta.by/ап