Больш за 100 арыгіналаў работ Напалеона Орды будуць прадстаўленыя на выставе ў Нацыянальным мастацкім музэі Беларусі. Выстава "Напалеон Орда. Ілюстраваная энцыкляпэдыя краіны" адкрыецца 15 верасьня. Упершыню беларускі глядач зможа ўбачыць такую вялікую колькасьць арыгінальных твораў мастака - 110 графічных лістоў.
У экспазыцыю ўвайшлі пераважна малюнкі з Гарадзенскай, Менскай, Магілёўскай, Віцебскай і Віленскай папак, якія прадстаўляюць архітэктурныя помнікі сучасных тэрыторый Беларусі. Многія з гэтых акварэляў былі літаграфіраваныя ў вялікім графічным праекце "Альбом гістарычных відаў Польшчы, прысьвечаных суайчыньнікам", які Напалеон Орда выдаваў за ўласныя сродкі з 1873 да 1883 год. Беларускаму гледачу больш знаёмыя менавіта літаграфіі з альбома, але выстава дазволіць убачыць акварэльныя арыгіналы, выкананыя майстрам пры падрыхтоўцы альбома.
Выставу акварэляў і малюнкаў выдатнага дзеяча беларускай і польскай культуры XIX стагодзьдзя, мастака, кампазытара й піяніста Напалеона Орды Нацыянальны мастацкі музэй праводзіць сумесна з Нацыянальным музэем у Кракаве. Выстава прымеркаваная да сьвяткаваньня 210-й гадавіны з дня нараджэньня мастака. Калекцыя акварэляў Напалеона Орды Нацыянальнага музэя ў Кракаве зьяўляецца вялікім рэпрэзэнтатыўным зборам, які налічвае 1 тыс. 27 малюнкаў.
Большую частку гэтай калекцыі - 977 лістоў - падарыла Кракаўскаму музэю ў 1886 годзе Канстанцыя Скірмунт (1851-1934), беларуская публіцыстка й гісторык, якая даводзілася мастаку ўнучатай пляменьніцай (яе маці, скульптар Алена Скірмунт, была дачкою ягонай сястры Гартэнзіі).
Выстава праводзіцца пры падтрымцы Польскага інстытуту ў Менску й пасольства Польшчы ў Беларусі й будзе працаваць да 3 сьнежня.
БелТА/вс
Больш за 100 арыгіналаў работ Напалеона Орды будуць прадстаўленыя на выставе ў Нацыянальным мастацкім музэі Беларусі. Выстава "Напалеон Орда. Ілюстраваная энцыкляпэдыя краіны" адкрыецца 15 верасьня. Упершыню беларускі глядач зможа ўбачыць такую вялікую колькасьць арыгінальных твораў мастака - 110 графічных лістоў.
У экспазыцыю ўвайшлі пераважна малюнкі з Гарадзенскай, Менскай, Магілёўскай, Віцебскай і Віленскай папак, якія прадстаўляюць архітэктурныя помнікі сучасных тэрыторый Беларусі.
Многія з гэтых акварэляў былі літаграфіраваныя ў вялікім графічным праекце "Альбом гістарычных відаў Польшчы, прысьвечаных суайчыньнікам", які Напалеон Орда выдаваў за ўласныя сродкі з 1873 да 1883 год. Беларускаму гледачу больш знаёмыя менавіта літаграфіі з альбома, але выстава дазволіць убачыць акварэльныя арыгіналы, выкананыя майстрам пры падрыхтоўцы альбома.
Выставу акварэляў і малюнкаў выдатнага дзеяча беларускай і польскай культуры XIX стагодзьдзя, мастака, кампазытара й піяніста Напалеона Орды Нацыянальны мастацкі музэй праводзіць сумесна з Нацыянальным музэем у Кракаве.
Выстава прымеркаваная да сьвяткаваньня 210-й гадавіны з дня нараджэньня мастака. Калекцыя акварэляў Напалеона Орды Нацыянальнага музэя ў Кракаве зьяўляецца вялікім рэпрэзэнтатыўным зборам, які налічвае 1 тыс. 27 малюнкаў.
Большую частку гэтай калекцыі - 977 лістоў - падарыла Кракаўскаму музэю ў 1886 годзе Канстанцыя Скірмунт (1851-1934), беларуская публіцыстка й гісторык, якая даводзілася мастаку ўнучатай пляменьніцай (яе маці, скульптар Алена Скірмунт, была дачкою ягонай сястры Гартэнзіі).
Выстава праводзіцца пры падтрымцы Польскага інстытуту ў Менску й пасольства Польшчы ў Беларусі й будзе працаваць да 3 сьнежня.
БелТА/вс