Менск адзначае Дзень горада
PR dla Zagranicy
Valery Sauko
10.09.2017 10:38
Сёлета адзначаецца 950-годдзе беларускай сталіцы.
Панарама Менска - бераг Сьвіслачыpixabay.com/Public Domain CC0
Менск сёньня адзначае Дзень горада. Сьвяточныя імпрэзы з гэтай нагоды пройдуць ва ўсіх раёнах. Асноўныя ўрачыстасьці адбудуцца на пляцоўцы каля Палацу спорту – Фэстываль хлеба, спаборніцтвы па сілавым экстрыме, кірмаш, канцэрт Прэзыдэнцкага аркестра й многія іншыя праграмы.
У Верхнім горадзе выступяць творчыя калектывы ў рамках Фэстывалю мастацтваў беларусаў сьвету. У зялёнай зоне на скрыжаваньні праспэктаў Пераможцаў і Машэрава адбудзецца фэстываль гістарычнай рэканструкцыі, а ў парку па вуліцы Сталетава – міжнародны фэстываль вулічнай культуры й спорту «Менск моладзевы».
Гуляньні адбудуцца таксама ў парку імя Горкага, на Дзіцячай чыгунцы, ля Палацу дзяцей і моладзі, у Менскім заапарку й Батанічным садзе, а таксама на іншых пляцоўках горада, у большасьці паркаў і буйных сквэраў сталіцы.
Сёлета адзначаецца 950-годдзе Менска.
белта/эўрарадыё/вс