Сьледчы камітэт і ўпраўленьне „К” Міністэрства ўнутраных спраў сумесна з Фэдэральным бюро расьследаваньня ЗША спынілі дзейнасьць міжнароднай кібэрзлачыннай групоўкі па стварэньні й распаўсюдзе „шкоднага праграмнага забесьпячэньня”.
Як паведамляе Сьледчы камітэт, супрацоўнікі Ўпраўленьня расьсьледаваньня злачынстваў супраць інфармацыйнай бясьпекі МУС Беларусі атрымалі зьвесткі пра тое, што адным з удзельнікаў кібэрзлачыннай сеткі быў грамадзянін Беларусі. Ён зьяўляўся адміністратарам форумаў, на якіх абмяркоўваліся пытаньні супрацьпраўных захадаў у сфэры высокіх тэхналёгій.
Асобу ідэнтыфікавалі, ім аказаўся 34-гадовы жыхар Гомельскай вобласьці.
Падчас сьледзтва выяўлена, што мужчына дапамагаў інтэрнэт-суразмоўцам набываць і абнаўляць шкодныя праграмы, а таксама аказваў паслугі тэхпадтрымкі.
За кожную ўгоду гамяльчук атрымліваў 500 даляраў, за кожнае абнаўленьне праграмнага забесьпячэньня — 10 даляраў. Сьледчыя высьвятляюць колькасьць эпізодаў і атрыманы прыбытак ад такой дзейнасьці.
Увосень 2016 году карпарацыя Microsoft паведаміла: штомесяц згаданым праграмным забесьпячэньнем заражалася да 4 мільёнаў кампутараў ва ўсім сьвеце.
Сёлета ў лістападзе была праведзеная глябальная міжнародная апэрацыя, у часе якой выяўленыя прадаўцы, уладальнікі сэрвэраў і асобы, якія выкарыстоўвалі гэтую праграму.
Пачаткам апэрацыі паслужыла затрыманьне жыхара Гомля. Міністэрствам ўнутраных спраў Беларусі атрыманыя прамыя доказы ўчыненьня злачынстваў зь яго боку.
Дзеяньні затрыманага кваліфікаваныя паводле ч. 2 арт. 354 Крымінальнага кодэксу Рэспублікі Беларусь. Яму прад’яўленае абвінавачваньне і ўжытая мера стрыманьня ў выглядзе ўзяцьця пад варту.
svaboda.org/аз
МУС Беларусі й ФБР ЗША затрымалі беларуса-члена кібэрзлачыннай групоўкі
Мужчына, між іншым, дапамагаў інтэрнэт-карыстальнікам набываць і абнаўляць шкодныя праграмы.
Сьледчы камітэт і ўпраўленьне „К” Міністэрства ўнутраных спраў сумесна з Фэдэральным бюро расьследаваньня ЗША спынілі дзейнасьць міжнароднай кібэрзлачыннай групоўкі па стварэньні й распаўсюдзе „шкоднага праграмнага забесьпячэньня”.
Як паведамляе Сьледчы камітэт, супрацоўнікі Ўпраўленьня расьсьледаваньня злачынстваў супраць інфармацыйнай бясьпекі МУС Беларусі атрымалі зьвесткі пра тое, што адным з удзельнікаў кібэрзлачыннай сеткі быў грамадзянін Беларусі. Ён зьяўляўся адміністратарам форумаў, на якіх абмяркоўваліся пытаньні супрацьпраўных захадаў у сфэры высокіх тэхналёгій.
Асобу ідэнтыфікавалі, ім аказаўся 34-гадовы жыхар Гомельскай вобласьці.
Падчас сьледзтва выяўлена, што мужчына дапамагаў інтэрнэт-суразмоўцам набываць і абнаўляць шкодныя праграмы, а таксама аказваў паслугі тэхпадтрымкі.
За кожную ўгоду гамяльчук атрымліваў 500 даляраў, за кожнае абнаўленьне праграмнага забесьпячэньня — 10 даляраў. Сьледчыя высьвятляюць колькасьць эпізодаў і атрыманы прыбытак ад такой дзейнасьці.
Увосень 2016 году карпарацыя Microsoft паведаміла: штомесяц згаданым праграмным забесьпячэньнем заражалася да 4 мільёнаў кампутараў ва ўсім сьвеце.
Сёлета ў лістападзе была праведзеная глябальная міжнародная апэрацыя, у часе якой выяўленыя прадаўцы, уладальнікі сэрвэраў і асобы, якія выкарыстоўвалі гэтую праграму.
Пачаткам апэрацыі паслужыла затрыманьне жыхара Гомля. Міністэрствам ўнутраных спраў Беларусі атрыманыя прамыя доказы ўчыненьня злачынстваў зь яго боку.
Дзеяньні затрыманага кваліфікаваныя паводле ч. 2 арт. 354 Крымінальнага кодэксу Рэспублікі Беларусь. Яму прад’яўленае абвінавачваньне і ўжытая мера стрыманьня ў выглядзе ўзяцьця пад варту.
svaboda.org/аз