У Беларусі растуць заробкі

У студзені–верасьні 2017 году месячны даход хатняй гаспадаркі склаў 1026 рублёў. Зьвесткі апублікаваў Белстат.

Статыстычнае ведамства палічыла, што такі даход складаецца з грашовых заробкаў, прадуктаў харчаваньня з асабістай гаспадаркі, атрыманых льгот і выплат. У выніку ў 2017-м годзе гаспадаркі ў гарадах і пасёлках гарадзкога тыпу мелі 1096,3 рубля рэсурсаў, у сельскіх населеных пунктах – 843,4 рубля.

Зь гэтага даходу беларускія сем'і выдаткоўваюць у сярэднім 965,2 рублі, 76,5% выдаткаў ідзе на спажывецкія расходы.

Пры гэтым рэальныя даходы беларусаў нарэшце перасталі падаць пасьля амаль трох гадоў скарачэньня. У 2018 годзе заробкі беларусаў павінны яшчэ вырасьці. Аляксандар Лукашэнка даручыў даручаў давесьці заробак у Беларусі да 1000 рублёў у ІІ квартале 2018 году.

Паводле Радыё «Свабода»/юл