Беларускія памежнікі затрымалі кантрабандыстаў на лодках

Спэцназ пагранслужбы сумесна з вайскоўцамі Берасьцейскай памежнай групы спыніў канал кантрабанды зь Беларусі ў Польшчу. Пра гэта паведаміла прэс-служба Дзяржаўнага памежнага камітэту.

Ноччу 3 сьнежня ў 150 мэтрах ад мяжы памежнікі затрымалі дваіх мужчынаў, якія перапраўлялі кантрабанду ў Польшчу пры дапамозе гумовай лодкі. Празь некалькі дзён пры такой жа апэрацыі быў затрыманы яшчэ адзін кантрабандыст.

У дачыненьні да ўсіх затрыманых распачаты адміністрацыйны працэс за незаконнае перасячэньне дзяржаўнай мяжы, парушэньне памежнага рэжыму й непадпарадкаваньне службовым асобам. Ім пагражае штраф да 100 базавых велічыняў або адміністрацыйны арышт. Што трое мужчынаў перавозілі ў лодцы ў Польшчу – памежны камітэт не паведамляе.

gpk.gov.by/ап