ВУП Беларусі працягвае расьці
PR dla Zagranicy
Jury Lichtarowicz
15.12.2017 10:12
Рост эканомікі адбываецца за кошт выхаду прамысловасьці з рэцэсіі.
pixabay.com
Пасьля двух год падзеньня валавы ўнутраны прадукт Беларусі пачаў расьці. Статыстычны камітэт Беларусі паведаміў, што за студзень-лістапад 2017 ВУП вырас на 2,2% у параўнаньні з мінулым годам. Гэта адпавядае прагнозам ураду, які плянаваў, што ў 2017 годзе рост ВУП складзе «ня менш за 2%».
Найбольшы рост (6,9%) паказала апрацоўчая прамысловасьць. Таксама расьце выпуск сельскагаспадарчай прадукцыі, назіраецца рост у гандлі. Падзеньне працягваецца ў сфэры будаўніцтва. Тут сёлета - мінус 3,6%.
У 2018 годзе ўрад разьлічвае, што эканоміка прыцягне расьці й ВУП павялічыцца на 3,5%. Таксама рост ВУП Беларусі ў наступным годзе прагназуюць міжнародныя арганізацыі: МВФ ды ЭБРР. Для больш дынамічнага росту яны раяць беларускаму ўраду заняцца банкамі, камунальнай гаспадаркай ды праводзіць рэформы.
Паводле Белта/Радыё "Свабода"/юл