Logo Polskiego Radia
Print

Лукашэнка патрабуе справаздачы ад сілавых структур

PR dla Zagranicy
Jury Lichtarowicz 18.12.2017 16:35
Cілавікоў будуць сур'ёзна правяраць па выніках года, паабяцаў беларускі кіраўнік.
Foto: streaming z Youtube

Гэтыя словы прагучалі ў панядзелак падчас сустрэчы са старшынёю Сьледчага камітэта Іванам Наскевічам.

Я пляную заслухаць справаздачы ўсіх сілавых структур. Некаторыя сілавыя структуры мы вельмі сурʼёзна будзем правяраць па выніках гэтага года, у тым ліку Мінабароны«, – сказаў кіраўнік дзяржавы.

Аляксандар Лукашэнка пацікавіўся сытуацыяй у Сьледчым камітэце, хаду аптымізацыі.

Ведамства было створана ўсяго некалькі гадоў таму, і на дадзены момант вядзе шэраг крымінальных спраў, якія знаходзяцца на кантролі ў прэзыдэнта і атрымалі найбольшы грамадзкі рэзананс. Аляксандар Лукашэнка пацікавіўся ці скончана расьсьледаваньне?

Іван Наскевіч прадставіў вынікі працы Сьледчага камітэта ў гэтым годзе, агучыў праблемныя пытаньні ды пэрспэктывы разьвіцьця. "У цэлым Сьледчы камітэт працаваў сёлета ва ўмовах зьніжэньня нагрузкі. Прыкладна на 7-7,5% скарацілася злачыннасьць у краіне за 2017 год", – сказаў чыноўнік.

Паводле Белта/юл

Print
Copyright © Polskie Radio S.A Пра нас Кантакт