У Беларусі павысілі заробкі мэдыкам
PR dla Zagranicy
Jury Lichtarowicz
27.12.2017 17:13
Беларускія лекары і фэльчары павінны адчуць розьніцу ўжо ў сьнежні, паведаміла Міністэрства працы.
Здымак мае ілюстрацыйны характар.Photo: pixabay.com/CC0 Public Domain
Тарыфныя аклады лекарам-экспэртам мэдыка-рэабiлiтацыйных экспэртных камiсiй, якія маюць вышэйшую катэгорыю павялічаныя на 50%, для першай катэгорыі – на 40% і для другой – на 30%.
Таксама павышэньне закране фэльчараў-лябарантаў, лябарантаў паталагаанатамічных бюро, аддзелаў, лябараторый – на 20%.
Апроч таго, даплаты прадугледжваюцца мэдпрацаўнікам з сярэдняй спэцыяльнай мэдычнай адукацыяй – за ўвядзеньне хворым на сухоты процітубэркулёзных лекавых сродкаў і кантроль за іх прыёмам.
Павышэньне заробкаў для мэдыкаў дзейнічае ўжо ў сьнежні.
Праводле TUT.BY/юл