Жыхары вёскі патрабуюць экалягічны кантроль за кітайскім камбінатам

Жыхары вёскі Якімава Слабада скардзяцца, што Сьветлагорскі цэлюлёзна-картонны камбінат, які знаходзіцца ў некалькіх кілямэтрах, забруджвае паветра і ім «няма чым дыхаць».
Людзі ўжо зьвярталіся да мясцовага чынавецтва з просьбай вырашыць праблему.
Сярод асноўных скаргаў вяскоўцаў – непрыемны пах, які ідзе з камбіната і выклікае, паводле словаў людзей, боль у горле і кашаль, а ў некаторых нават ішла кроў з носа. Патрабаваньні – забясьпечыць пастаянны экалягічны кантроль за прадпрыемствам і мінімізаваць шкодныя выкіды.

Завод па вытворчасьці сульфатнай беленай цэлюлёзы пабудавалі па беларуска-кітайскай інвэстыцыйнай дамове. Генпадрадчык – кітайская карпарацыя САМСЕ.

Пабудаваць яго зьбіраліся яшчэ ў 2015 годзе. Аб запуску новага завода ў Светлагорску Кітай адрапартаваў у сьнежні мінулага году.

яс/Belsat.eu