За 2017 год розьнічны тавараабарот у Беларусі вырас на 3,8%

У 2017 годзе ў Беларусі розьнічны тавараабарот павялічыўся на 3,8%, аптовы – на 3,1%. Аб разьвіцьці ўнутранага гандлю ў мінулым годзе распавялі ў сераду, 17 студзеня, у Нацыянальным статыстычным камітэце.

Паводле зьвестак Белстата, у 2017 годзе розьнічны тавараабарот дасягнуў 39,2 млрд рублёў, што на 3,8% больш за ўзровень 2016 года. Пры гэтым розьнічны тавараабарот арганізацый гандлю, на які прыйшлося 87,7% розьнічнага тавараабароту Беларусі, за год павялічыўся на 4,7% да 34,3 млрд рублёў.

Гадавы аптовы тавараабарот вырас на 3,1% і склаў 75,8 млрд рублёў. Тавараабарот грамадзкага харчаваньня склаў 2,1 млрд рублёў (рост на 2,3%).

тэлеграф/вс