У гарадзенскі выцьвярэзьнік трапіў мужчына з кучай грошай
PR dla Zagranicy
Jolanta Śmiałowska
22.01.2018 14:12
Гарадзенец быў на заробках у Эўропе і вярнуўся адтуль на Радзіму.
Mark Hodson Foto/flickr.com
У гарадзенскі выцьвярэзьнік трапіў мужчына з эквівалентам 10 тысяч даляраў, піша sb.by. Пры сабе мужчына меў вялікую суму замежнай валюты. Падрабязнасьці распавёў капітан міліцыі, старшы інспэктар-дзяжурны выцьвярэзьніка Аляксандр Сяліла.
Мужчына быў на заробках у Эўропе і вярнуўся адтуль на Радзіму. Калі яго прывезьлі ў выцьвярэзьнік, у мужчыны была буйная сума валюты, эквівалентная 10 тысячам даляраў.
"Нумары купюр швэдзкіх крон перапісвалі амаль тры гадзіны. Паведамілі пра "знаходку" сястры гэтага грамадзяніна, якая забрала яго і грошы пад сваю адказнасьць", — паведаміў міліцыянт.
euroradio.fm/яс