У Горадні прайшла рэгіянальная канфэрэнцыя індывідуальных прадпрымальнікаў

Індывідуальныя прадпрымальнікі хочуць працаваць паводле закона, а не паводле ўказаў – такі пастулят прагучаў у Горадні на рэгіянальнай канфэрэнцыі індывідуальных прадпрымальнікаў.

Галоўная задача, якую паставілі арганізатары, – гэта падрыхтоўка закона пра індывідуальную прадпрымальніцкую дзейнасьць. Згодна з афіцыйнай статыстыкай, з-за ўвядзеньня ўказу №222 краіна не даатрымлівае ў бюджэт каля 100 млн даляраў штогод і пазбавілася каля 26 тыс. прадпрымальнікаў.

На гарадзенскай канфэрэнцыі прысутнічалі прадстаўнікі рынкаў «Паўднёвы» й «Карона».

На рэгіянальную канфэрэнцыю прыехала дэпутат Палаты прадстаўнікоў ад Аб’яднанай грамадзянскай партыі Ганна Канапацкая, якая выказала жаданьне дапамагчы прадпрымальнікам працаваць над стварэньнем «свайго закона». Таксама яна паўдзельнічала ў агульнай дыскусіі на тэму юрыдычнага паляпшэньня дзейнасьці прадпрымальнікаў, якія займаюцца розьнічным гандлем.

Падобныя рэгіянальныя канфэрэнцыі павінны прайсьці па ўсёй Беларусі.

паводле радыё рацыя/вс