Вядома, калі Беларусь і РФ падпішуць пагадненьне аб узаемным прызнаньні віз

Стала вядома, калі Беларусь і Расея могуць падпісаць пагадненьне аб узаемным прызнаньні віз. Пасол Расеі ў Беларусі Аляксандр Сурыкаў назваў красавік-травень 2018 году.

Паводле слоў Сурыкава, кансультацыі экспэртаў працягваюцца. «У канцы студзеня беларускі бок перадаў нам дапрацаваны праект пагадненьня і прапанаваў правесьці ў Менску чарговы раўнд кансультацый, – кажа расейскі пасол. – Мне здаецца, ён будзе апошні».

Аляксандр Сурыкаў падкрэсьліў, што падпісаньне пагадненьня можа вырашыць шэраг праблем, зьвязаных з перасячэньнем беларуска-расейскай мяжы грамадзянамі трэціх краін.

эўрарадыё/белта/вс