Звыш 1 тыс. сьмецьцеправодаў плянуецца закрыць у Менску у 2018 годзе

Звыш 1 тыс. сьмецьцеправодаў у 430 шматпавярховых жылых дамах плянуецца закрыць у Менску ў 2018 годзе, паведаміла карэспандэнту БелТА намесьнік генэральнага дырэктара дзяржаўнага аб'яднаньня «Менская гарадзкая жыльлёвая гаспадарка» Галіна Гілевіч.

Таксама на дваровых тэрыторыях плянуецца ўстанавіць 130 кантэйнэрных пляцовак. Мерапрыемствы рэалізуюцца ў адпаведнасьці зь дзяржаўнай праграмай «Камфортнае жыльлё й спрыяльнае асяродзьдзе», якая накіраваная на павелічэньне збору (нарыхтоўкі) другасных матэрыяльных рэсурсаў.

Пытаньне аб заварваньні сьмецьцеправода абмяркоўваецца на плянавых сходах з жыхарамі або падчас пакватэрнага апытаньня. Выступіць з такой ініцыятывай могуць і самі жыхары. Для прыняцьця станоўчага рашэньня неабходна згода больш за 50% уласьнікаў і наймальнікаў. Таксама для гэтага работнікі жыльлёвых службаў павінны правесьці абсьледаваньне прыдамавой тэрыторыі на магчымасьць устанаўленьня кантэйнэрных пляцовак. Асноўная мэта такой працы – забясьпечыць разьдзельны збор цьвёрдых бытавых адходаў і іх перапрацоўку.

У 2017 годзе сабрана ад насельніцтва й адсартавана на лініях сартаваньня УП «Экарэс» больш 27,9 тыс. т другасных матэрыяльных рэсурсаў, у тым ліку амаль 14,8 тыс. т макулатуры, 8,8 тыс. т шклоадходаў, каля 3,6 тыс. т палімэраў, 814,6 т шын.

белта/вс