Logo Polskiego Radia
Print

Лукашэнку запрасілі на сустрэчу краінаў Эўразьвязу ў Рыгу

PR dla Zagranicy
Alaksandar Papko 10.02.2018 11:22
Гэта ўжо трэцяе запрашэньне Лукашэнкі наведаць Латвію за апошні час.
Аляксандр ЛукашэнкаАляксандр Лукашэнкафота: Аляксандр Папко/Беларуская служба Польскага радыё/radyjo.net

Аляксандра Лукашэнку запрасілі ў Рыгу на нараду па ядзернай бясьпецы – паведамляе партал TUT.BY.

Нарада краінаў Эўразьвязу па ядзернай бясьпецы пройдзе ў латвійскай сталіцы ў чэрвені. Латвія на ім будзе старшынстваваць у групе па распаўсюджваньні ядзерных матэрыялаў. Латвійскі бок запрасіў да ўдзелу і Беларусь.

«Запрашэньне для Беларусі ёсьць, асабіста для прэзыдэнта. […] Нам здаецца, што вельмі важны кантакт на ўсіх узроўнях», – распавёў дзяржсакратар МЗС Латвіі Андрэй Пілдэговіч.

На гэтым тыдні ў Менск з афіцыйным візытам прыяжджала дэлегацыя Латвіі на чале з прэм'ер-міністрам Марысам Кучынскісам. Прэмʼер Латвіі сустрэўся з Аляксандрам Лукашэнкам. Кіраўнік Беларусі падзякаваў латвійскаму ўраду за тое, што ён, у адрозьненьне ад Летувы, «не крытыкуе Беларусь за будаўніцтва ўласнай атамнай станцыі».

Запрашэньне на нараду па ядзернай бясьпецы – далёка ня першая прапанова беларускаму кіраўніку прыехаць у Латвію. У мінулым годзе яго двойчы запрашалі наведаць краіну.

news.tut.by/ап

Print
Copyright © Polskie Radio S.A Пра нас Кантакт