У Менску пачалі сьвяткаваць стагодзьдзе БНР
PR dla Zagranicy
Jury Lichtarowicz
24.03.2018 15:30
Першай сьвяточныя мерапрыемствы зладзілі актывісты КХП БНФ.
Foto: Arciom Liava/Facebook.com
24 сакавіка ў Кіеўскім сквэры Менску Кансэрватыўна-хрысьціянская партыя – БНФ правяла мітынг і канцэрт, прысьвечаныя стогадоваму юбілею ўтварэньня Беларускай Народнай Рэспублікі.
Мерапрыемствы дазволеныя Менгарвыканкамам і прайшлі з 12 да 16 гадзіны.
У канцэрце ўзялі ўдзел Зьміцер Вайцюшкевіч, Андрусь Такінданг, Сяржук Чарняк, Зьміцер Захарэвіч, Яўгеня Казлова, Андрэй Мельнікаў, Уладзімер Асадчы ды іншыя.
«Гэтую акцыю можна разглядаць таксама як пачатак сьвяткаваньня і пралёг да ўрачыстага мітынгу і канцэрта, які адбудзецца 25-га сакавіка каля Вялікага тэатра опэры і балету ў Менску», – гаворыцца на сайце партыі.
Партыя Зянона Пазьняка запрасіла ўсіх ахвочых далучыцца да гэтага сьвяточнага мерапрыемства.
25 сакавіка мітынг і канцэрт, прысьвечаныя 100-годзьдзю БНР, пачнуцца каля Опэрнага тэатру а 13-й гадзіне. Яны таксама санкцыянаваныя ўладамі.
Паводле Радыё «Свабода»/КХП БНФ/юл