МЗС Беларусі адказаў на крытыку ЭЗ за затрыманьні на Дзень волі

Міністэрства замежных спраў Беларусі адказала на камэнтар прэс-сакратара Эўрапейскай службы зьнешніх дзеяньняў у сувязі з «непрапарцыйнай рэакцыяй ўладаў» падчас мерапрыемстваў, прымеркаваных да 100-годзьдзя БНР.

«Адзначаем, што ўсе мерапрыемствы, на якія былі атрыманыя ва ўстаноўленым парадку дазволы органаў улады, прайшлі арганізавана і без інцыдэнтаў. Праваахоўныя органы дзейнічалі строга ў адпаведнасьці з законам«, – сказаў начальнік упраўленьня інфармацыі і лічбавай дыпляматыі МЗС Дзьмітрый Мірончык.

"На фоне падзей у саміх краінах – членах Эўрапейскага Зьвязу заявы пра тое, што рэакцыя ўладаў на несанкцыянаваныя акцыі была нібыта непрапарцыйнай, можна расцэньваць, па меншай меры, як неаб'ектыўныя", – заявіў прадстаўнік беларускага МЗС.

Нагадаем, мітынг-канцэрт быў дазволены менскімі ўладамі, але міліцыя затрымлівала тых, хто падыходзіў да пляцоўкі або выходзіў зь яе зь бел-чырвона-белымі сьцягамі. Да канцэрту была спроба правесьці несанкцыянаванае шэсьце ад плошчы Якуба Коласа. Сілавікі затрымалі дзясяткі чалавек.

Belta.by/svaboda.or/яс