У Беларусі чацьвёрты раз за месяц павышаецца цана на бэнзін

У Беларусі чацьвёрты раз за месяц павышаецца цана на бэнзін. Як паведамілі ў дзяржаўным канцэрне «Белнафтахім», цэны на аўтамабільнае паліва зьменяцца з 30 сакавіка.

Такім чынам, аўтамабілісты будуць запраўляць свае транспартныя сродкі па наступных новых цэнах:

бэнзін АІ-92-К5-Эўра – 1,25 рубля;

бэнзін АІ-95-К5-Эўра – 1,33 рубля;

бэнзін АІ-98-К5-Эўра – 1,54 рубля;

дызэльнае паліва – 1,36 рубля.

Цэны павялічыліся на адну капейку. Апошні раз яны павышаліся з 24 сакавіка.

Нагадаем, беларускія ўлады заяўлялі, што «Белнафтахім» узгадніў цэнавую палітыку з Кабімінам, выпрацаваўшы «мэханізм зьмены коштаў на аўтамабільнае паліва на ўнутраным рынку».

naviny.by/вс