Logo Polskiego Radia
Print

Міністэрства адукацыі ўмывае рукі

PR dla Zagranicy
Natalia Szymkowiak 17.05.2018 13:20
Бацькі зьвярнуліся ў мінадукацыі з просьбай прыняць усіх жадаючых дзяцей у польскую школу ў Горадні.
Польская школа ў ГорадніПольская школа ў Горадніzpb.org.pl

Мінадукацыі пераслала да мясцовых уладаў зварот бацькоў з просьбаю прыняць усіх жадаючых дзяцей у першыя клясы польскай школы ў Горадні. Міністэрства заяўляе, што ў яго няма кампэтэнцыі, каб прымаць рашэньні па гэтым пытаньні.

Старшыня Галоўнай рады непрызнаванага ўладамі Саюзу палякаў Беларусі Анжаліка Арэхва пад канец красавіка накіравала ліст у міністэрства адукацыі. Разам з групай бацькоў яна заклікае перастаць дыскрымінаваць дзяцей, якія жадаюць распачаць вучобу ў польскай школе і сфармаваць дадатковыя першыя клясы. На платныя падрыхтоўчыя курсы польскай мовы запісалася сёлета 75 дзяцей, а ў першыя клясы прымуць толькі 60.

Чыноўнікі міністэрства заявілі, што яны ня могуць прымаць рашэньні па гэтай справе і адаслалі зварот у гарадзенскае ўпраўленьне адукацыі.

У. Пац/нг

Print
Copyright © Polskie Radio S.A Пра нас Кантакт