Logo Polskiego Radia
Print

Сьвятлана Алексіевіч сьвяткуе свой юбілей

PR dla Zagranicy
Eduard Zholud 31.05.2018 08:49
У 2015 годзе пісьменьніца была ўзнагароджаная Нобэлеўскай прэміяй па літаратуры за цыкл твораў «Галасы Утопіі».
Сьвятланы АлексіевічСьвятланы АлексіевічАляксандр Папко/Беларуская служба Польскага радыё/radyjo.net

Сьвятлана Алексіевіч сёньня сьвяткуе свой юбілей
31 траўня свой дзень нараджэньня адзначае вядомая беларуская пісьменьніца, ляўрэатка Нобэлеўскай прэміі па літаратуры Сьвятлана Аляксандраўна Алексіевіч.
Яна нарадзілася ў 1948 годзе ва ўкраінскім Станіславе (цяпер Івана-Франкоўск), яе бацька – беларус, а маці – украінка. Пазьней сямʼя пераехала ў Беларусь.
У 1965 годзе Алексіевіч скончыла сярэднюю школу ў вёсцы Капаткевічы на Петрыкаўшчыне. Працавала выхавацелькай, настаўніцай гісторыі і нямецкай мовы ў школах Мазырскага раёна. У 1972 годзе скончыла факультэт журналістыкі БДУ. Працавала ў беларускіх газэтах і ў часопісе «Нёман».
Найбольшую вядомасьць Сьвятлане Алексіевіч прынесьлі яе кнігі, напісаныя ў жанры дакумэнталістыкі. У 2015 годзе пісьменьніца была ўзнагароджаная Нобэлеўскай прэміяй па літаратуры за цыкл твораў «Галасы Утопіі», складзены з шасьці кніг: «У вайны не жаночае аблічча», «Цынкавыя хлопчыкі», «Зачараваныя сьмерцю», «Апошнія сьведкі», «Чарнобыльская малітва», «Час сэканд-хэнд». Прэмія была ўручаная ёй з фармулёўкай за «шматгалосае гучаньне» прозы і «ўвекавечаньне пакуты і мужнасьці».
euroradio.fm/эж


31 траўня свой дзень нараджэньня адзначае вядомая беларуская пісьменьніца, ляўрэатка Нобэлеўскай прэміі па літаратуры Сьвятлана Аляксандраўна Алексіевіч.

Яна нарадзілася ў 1948 годзе ва ўкраінскім Станіславе (цяпер Івана-Франкоўск), яе бацька – беларус, а маці – украінка. Пазьней сямʼя пераехала ў Беларусь.

У 1965 годзе Алексіевіч скончыла сярэднюю школу ў вёсцы Капаткевічы на Петрыкаўшчыне. Працавала выхавацелькай, настаўніцай гісторыі і нямецкай мовы ў школах Мазырскага раёна. У 1972 годзе скончыла факультэт журналістыкі БДУ. Працавала ў беларускіх газэтах і ў часопісе «Нёман».

Найбольшую вядомасьць Сьвятлане Алексіевіч прынесьлі яе кнігі, напісаныя ў жанры дакумэнталістыкі. У 2015 годзе пісьменьніца была ўзнагароджаная Нобэлеўскай прэміяй па літаратуры за цыкл твораў «Галасы Утопіі», складзены з шасьці кніг: «У вайны не жаночае аблічча», «Цынкавыя хлопчыкі», «Зачараваныя сьмерцю», «Апошнія сьведкі», «Чарнобыльская малітва», «Час сэканд-хэнд».

Прэмія была ўручаная ёй з фармулёўкай за «шматгалосае гучаньне» прозы і «ўвекавечаньне пакуты і мужнасьці».

euroradio.fm/эж

Print
Copyright © Polskie Radio S.A Пра нас Кантакт