1 верасьня беларусы пойдуць у школу з новымі падручнікамі

У Беларусі к 1 верасьня будуць выдадзены 44 новыя навучальныя дапаможнікі. У першую чаргу гэта падручнікі для чацьвёртых і восьмых кляс.

Як патлумачыла дырэктар Нацыянальнага інстытуту адукацыі Валянціна Гінчук, «гэта зьвязана з абнаўленьнем у гэтых клясах навучальных праграм па ўсіх прадметах».

Таксама будуць выдадзены навучальныя дапаможнікі па замежных мовах для 3, 6, 9 і 10 кляс.

Новыя кнігі ў партфэль пакладуць шасьціклясьнікі — па матэматыцы і інфарматыцы, а таксама па працоўным навучаньні.

Дзеці будуць працаваць ня толькі з суцэльным тэкстам, але і з графікамі, дыяграмамі і табліцамі.

Belta.by/вк