Logo Polskiego Radia
Print

Паломнікі ідуць пешшу ў Будслаў

PR dla Zagranicy
Viktar Korbut 16.06.2018 13:37
Вернікі з усёй Беларусі к 1 ліпеня зьбяруцца ля абраза Божай Маці.
Ілюстрацыйнае фотаІлюстрацыйнае фотаФота: pixabay.com/giselly

Зь Берасьця сёньня рушыла пешае паломніцтва ў Будслаў — да адной з галоўных сьвятынь беларускіх католікаў — абраза Маці Божай. Паломнікі павінны пераадолець больш за паўтысячы кілямэтраў. Такія падарожжы вернікаў у Беларусі ўжо сталі традыцыяй.

Тадэвуш Кандрусевіч, мітрапаліт, арцыбіскуп менска-магілёўскі: Касьцёл таксама знаходзіцца ў дарозе. Як сказаў сьвяты айцец Францішак, наведваючы Кракаў, ня трэба сядзець на зручнай канапе, а трэба надзець чаравікі і ісьці. Касьцёл увесь час знаходзіцца ў руху, такім чынам пастаянна адраджаючыся.

У бліжэйшыя дні ў Будслаў стартуюць чарговыя паломнікі — з Маладэчна, Магілёва, Менска і іншых месц. Урачыстасьці ў Будславе адбудуцца 1-2 ліпеня.

вк

Print
Copyright © Polskie Radio S.A Пра нас Кантакт